Pyar Shayari

Pyar Ka Khwab Shayari

Khawab Aankho Se Gire Aansu Bankar,
Dam Armano Ne Toda Machal-Machal Kar,

Ab Toh Har Dam Yehi Dua Hai Khuda Se,
Mera Sanam Chala Aaye Ab Sab Chhod Kar,

Meri Kismat Mein Zudaai Likhi Thi Eh Sanam,
Warna Har Kadam Rakha Tha Sambhl-Sambhl Kar,

Jin Logon Ne Diwaar Khadi Ki Hamare Beech Nafrat Ki,
Chali Aa Unsab Se Aaj Apne Saare Riste-Naate Todkar,

Pyar Tune Kiya Tha, Kisi Ki Marzi Se Nahi,
Wafa Nibha De Har Ik Se Mooh Modkar…

Pyar Mein Tanhai Shayari

Duniya Se Bahut Door Nikal Aaye Hain,
Jab Bhi Pyar Ne Tere Hum Aazmaye Hain,

Meri Tanhai Ne Mujh Se Lipat Kar Kaha,
Ab Mere Nahi, Vo Paraaye Hain,

Bhool Jana Toh Ilzaam-E-Zafa Hoga,
Is Khauf Ko Na Bhool Paaye Hain,

Kaaton Ne Badh Kar Thaam Liya Daaman,
Jab Kabhi Phool Ke Kareeb Hum Aaye Hain…

Aitbaar Nahi Shayari

Mujhe Kisi Ki Wafaon Pe Eitbaar Nahi,
Jab Se Tu Mere Kareeb Mere Dildar Nahi,

Eh Sanam Dil Ko Mere Kisi Pal Karar Nahi,
Roo-B-Roo Mere, Bichhda Mera Yaar Nahi,

Meri Kahani Dukh-Dard, Udasi Mein Doobi Hai,
Meri Zindagi Mein Shamil Jab Se Tera Pyar Nahi…

Uska Pyar Shayari

Uska Pyar

Ajeeb Manzar Dikhata Uska Pyar,
Kabhi Hansata, Kabhi Roolata Uska Pyar,

Sanwale-Se, Sanwre-Se Sapno Mein Tha,
Phoolon Ki Tarah Muskurata Uska Pyar,

Har Taraf Yeh Nazara Kabhi Na Hoga,
Lahron Ki Tarah Zindagi Mein Aata Uska Pyar,

Silsile Na Jane Kab Tak Chale Uske Pyar Ke,
Dheere-Dheere Kareeb Aata Uska Pyar,

Jo Kabhi Sochte Bhi Nahi The Humne,
Hamein Woh Azab Dhang Dikhata Uska Pyar…

Pyar Ki Baat Shayari

Pyar Ki Baat, Love, Heart, Leaves Shayari

Phool, Khushboo Aur Chaman Ki Baat Karo,
Kuchh Pyar, Mohabbat Aman Ki Baat Karo,

Roz Karte Ho Tum Baaten Idhar-Udhar Ki,
Aaj Mil Kar Haal-E-Dil Ki Baat Karo,

Chalte-Chalte Kadam Kahaan Talak Le Jaayein,
Eh Pag-Chinho Aaz Pyar Ki Baat Karo,

Sadiyon Se Chhupi Hai Kasak In Aankhon Mein,
Aaz Aankhon Mein Chhupe Aansu Ki Baat Karo,

Bahut Faasla Badha Liya Hai Ab Tak Eh Sanam,
Eh Sanam, Ab Hum Dono Ke Milan Ki Baat Karo…

Pyar Ka Izhaar Shayari Ke Saath

Everyone in their life fall in love with someone, love which is also known as Pyar in Hindi, Urdu and other Indian languages. But the biggest problems comes when you cannot express your love to your loved one. This is the Shayari made for people who fell in Pyar Aur Izhaar Karne Ke Liye Tarash Rahein Hain. Pyar Ko Izhaar Karne Ka Sabse Aasan and Dil Ko Chhoo Jaane Ka Tareeka Shayari Ke Saath.

Pyar Ka Izhaar Shayari Ke Saath

Hamsafar Bahut Hain Magar Koi Bhi Jachta Nahi,
Tere Siwa Koi Aur Chehra Dil Mein Basta Nahi,

Na Bhoola Hun Na Bhoolunga Tujhe Kabhi,
Mere Dil Se Tera Naam Kabhi Mit’ta Nahi,

Ab Kaise Kahun Ki Pyar Hai Kitna Tujhse,
Eh Sanam Pyar Tujhe Bhi Mujhse Kuch Kam Nahi,

Tere Nain Mere Jaam Ke Pyale Ban Gaye,
Jo Baat In Naino Mein Hai Voh Kahin Aur Nahi…

Most Romantic Shayari for Girlfriend in Hindi

Kabhi Woh Aakhon Se Dil Mein Bas Jaayenge,
Us Din Meri Pyar Ke Phool Sanwar Jaayenge,

Jab Ghunghat Uthhaunga Toh Lajaakar Kahenge,
Allaah! Yoon Na Dekho Hum Sharm Se Mar Jaayenge,

Woh Shaam Toh Tujhe Dekhkar Hi Gujaar Denge,
Khuda Kasam Woh Shaam Aur Bhi Hansi Bana Jaayenge,

Mujhe Yakeen Hai Ke Ek Din Pyar Hamara Rang Laayega,
Woh Dulhan Bankar Hamari Baahon Mein Simat Jaayenge…

Lovely Urdu Shayari on Eyes

Urdu Love Shayari on Eyes

Cute Lovely Urdu Shayari on Eyes

Chhalak Raha Hai Kya Aankhon Ke Raste,
Machal Raha Hai Jiya Aankhon Ke Raste,

Beshak Nazrein Khafa Ho Gayi Hamse,
Pyar Tumne Kiya Aankhon Ke Raste,

Barsat Mein Aalam Kuchh Aur Hota Hai,
Bahti Hai Hawa Aankhon Ke Raste,

Zinda Hai Sapne Bezaan Aankon Mein,
Kitna Pyar Kiya Tumne Aankhon Ke Raste,

Meri Tadap Ka Khayal Bhi Na Raha Unko,
Unki Mahak Aayi Mujhko Aankhon Ke Raaste,

Pyar, Wafa, Ishq, Armaan Eh Khuda,
Sabhi Kuchh Seekha Unse Aankhon Ke Raste…

Rooh Love Shayari in Hindi

Rooh Love Shayari in Hindi

Tapti Dharti Ki Pyass Bhujha De Koi,
Banzar Zameen Par Phool Khila De Koi,

Aaz Akela Hai Hawaon Ka Karwaan,
Mujh Bhule Ko Shayad Raah Dikha De Koi,

Pyar Ko Chhod Kar Daro-Deedar Ke Pichhe,
Kaheen Kadwahat Na Peela De Mujhe Koi,

Hawa Ke Saath Udh Aaya Hai Woh Patta,
Shaakh Se Use Apni Ab Mila De Koi,

Haan Aaj Door Hain Hum Eh Khuda,
Meri Rooh Mein Uski Jaan Basa De Koi…

Touching Shayari on Mohabbat

Jin Galiyon Mein Aapki Surat Hogi,
Unse Hamein Mohabbat Zaroor Hogi,

Karke Salaam Hum Guzre Isliye Hain,
Ki Unki Bhi Yahaan Inayat Zaroor Hogi,

Be-Hisaab Hain Adayein Zanab Ki Eh Khuda,
Sabki Nazar Mein Unki Keemat Zaroor Hogi,

Ajnabi Thi Baatein Sabhi Uske Pyar Ki,
Nahi Thi Khabar Ek Din Kyamat Zaroor Hogi,

Karte Rahe Fariyaad Us Khuda Se Eh Sanam,
Millega Tu Mujhe, Khuda Ki Rahmat Zaroor Hogi…

Pyar Ki Sad Shayari

Matlab Kya Hua Berukhi Ka,
Hai Kon Muzrim Teri Is Khushi Ka,

Umeed Thi Jis Se Pyar Ki Eh Khuda,
Bujh Gaya Woh Chiraag Kabhi Ka,

Jab Kabhi Bhi Guzrunga Teri Galiyon Se,
Sab Puchhenge Sabbab Meri Khamoshi Ka,

Na Jaane Kab Rishta Badal Jaaye Pyar Ka,
Ab Bharosa Nahi Rha Mujhe Kisi Mureed Ka,

Tere Waadon Ka Junoon Paas Rahe Mere,
Wasta Hai Tujhe Mujh Se Kiye Pyar Ka…

Sad Love Shayari on Tanhai

Raat Gujri Unke Intezaar Mein,
Aur Aansu Bahte Rahe Pyar Mein,

Tanhai Ki Chadar Tan Se Lapete,
Bahta Raha Sanso Ki Manjhdar Mein,

Tha Khamosh Manzar Badla-Badla,
Dil Bhi Na Tha Ab Ikhtiyar Mein,

Woh Aayenge Sochta Raha Main,
Khilengi Kaliyan Phir Se Bahaar Mein,

Bewajah Nikal Pada Tha Ek Din Eh Sanam,
Pyar Dhundne Ke Liye Is Zahaan Mein…